२३ साउन काठमाडौं । बंगलादेशमा भइरहेको आन्दोलनका कारण चाँडै प्रजातन्त्र पुनर्स्थापना हुनेमा नेपाल सरकारले अपेक्षा राखेको छ । काेटा आन्दोलनमा बंगलादेशको पछिल्लो राजनीतिक अवस्थाबारे नेपाल सरकारले बुधबार आफ्नो आधिकारिक धारणा सार्वजनिक गरेको हो ।
बंगलादेशका जनताले अहिलेको संक्रमणलाई हटाएर चाँडै मुलुकलाई शान्ति र स्थिरताको बाटोमा पुर्याउने नेपालले विश्वास गरेको छ । परराष्ट्र मन्त्रालयद्वारा जारी विज्ञप्तिमा भनिएको छ, हामी बंगलादेशको पछिल्लो राजनीतिक घटनाक्रमलाई नजिकबाट नियालिरहेका छौं ।
आन्दोलनबाट भएको जनधनको क्षतिप्रति दुःख व्यक्त गर्दछौं र आन्दोलनका क्रममा भएका घाइतेहरूको शीघ्र स्वास्थ्यलाभको कामना गर्दछौं ।आन्दोलनले उग्र रुप लिएपछि आफू असुरक्षित ठानेर सेनाको हेलिकप्टरबाट प्रधानमन्त्री शेख हसिना भारत पुगेकि हुन ।
